"ტოტენჰემთან" მოლაპარაკებების გაჭიანურების შემდეგ "მილანს" კრიშტოფ პიონტეკის თაობაზე კიდევ ერთი ლონდონური კლუბი, "ჩელსი" დაუკავშირდა.

აპენინურ მედიაში გავრცელებული ინფორმაციით, "არისტოკრატებმა" იტალიელებს 27 მილიონი ევრო შესთავაზეს და პასუხის მოლოდინში არიან.

სავარაუდოდ "როსონერი" ამჯერადაც ფასის გაზრდას ეცდება და კლუბის მესვეურები ლონდონელებს პირველ წინადადებაზე უარს ეტყვიან.

შეგახსენებთ, "მილანელები" 24 წლის პოლონელის გაყიდვაზე უარს არ ამბობენ, რადგან გასულ ზაფხულს 35 მილიონად შეძენილი ფეხბურთელი ბოლო დროს სასტარტო შემადგენლობიდან ამოვარდა. სტეფანო პიოლი ზლატან იბრაჰიმოვიჩისა და რაფაელ ლეაოს დუეტს უფრო ენდობა, თადარიგში კი ბოლო დროს კარგ ფორმაში მყოფი ანტე რებიჩი ეგულება.