ფრენკ კესის "მილანური" მომავალი რომ ეჭვქვეშაა, ეს არახალი ამბავია. კოტ დ'იუვარელის მხარე 8 მილიონ ევროს ითხოვს, ხოლო "როსონერის" შეთავაზება კი 6 მილიონი ევროა. ამრიგად, შეთანხმება რთულად მისაღწევი ჩანს.

ზაფხულის სატრანსფერო ფანჯარაზე ლომბარდიულ გრანდს იჯარის ამოწურვის შემდეგ იაკინ ადლი და ტომასო პობეგა დაუბრუნდებიან.

ამ მდგომარეობიდან გამომდინარე, წესითა და რიგით, მილანურმა კლუბმა უნდა შეძლოს 25 წლის ცენტრალური ნახევარმცველის, რომელსაც 2022 წლის 30 ივნისამდე აკავშირებს "შავ-წითლებთან" ხელშეკრულება, დანაკლისის შევსება.

ცნობისათვის, ამ სეზონში კესის ანგარიშზე "მილანის" მაისურით 21 დაპირისპირებაში 5 გოლი და 1 საგოლე გადაცემაა.